Татјана Стојановска покажа дека има вонвременска убавина – Се појави со фризура како во младоста

Детали

среда, 06 март 2024

Убавата презентерка Татјана Стојановска повеќе децении е препознатливо лице на нашите мали екрани, а вчера објави фотки на Инстаграм со кои докажа дека поседува вонвременска убавина. Таа за првпат по подолго време се појави со фризурата со која беше препознатлива во младоста и покажа дека е речиси непроменета.

Благодарение на нејзината одмереност и професионалност, Татјана Стојановска е една од омилените презентерки кај нас, а многумина велат дека таа со децении наназад не се менува.

По подолго време, Татјана на малите екрани се појави со фризурата по која беше препознатлива во младоста, со кадрици, а на Инстаграм покажа дека имала сличен стајлинг како на сликата за табло во средното образование.

„Денеска со ‘натурална’ фризура што многу ретко, скоро никогаш не ја носам на екран.

Фризура што ја носев во младоста.

Денеска сум со сличен стајлинг како од сликата на табло“ – напиша таа до фотографиите.

Таа во коментарите доби голем број пофални коментари за изгледот, а речиси сите се сложни дека е речиси непроменета.

„Прекрасна како и секогаш“;

„Со сличен стајлинг и непроменета убавина“;

„Секогаш убава, отмена и со стил“ – стои во дел од коментарите.

Да се потсетиме како се менуваше Татјана низ годините:

 Б. С. Б. | Црнобело / фото: Инстаграм