„Каде на одмор?“ - Шминкерката Фрози Фран и пријателките со оригинална првопарилска маска

Детали

понеделник, 01 април 2024

„Уникатни, секоја чест“ – стои во коментарите до фотките со уникатната маска што шминкерката Фрози Фран и нејзините пријателки ја подготвија за Денот на шегата, први април. Мајките се маскираа како полицајки, а децата како пасоши.

Со оглед на тоа што во изминатата година голем број македонски граѓани маки мачеа со вадењето пасош, воопшто не е чудно што нашата шминкерка Фросина Ангеловска, попозната како Фрози Фран и нејзините пријателки добиле оригинална идеја за првоаприлска маска.

Таа и пријателките по повод Денот на шегата се маскираа во припаднички на Министерството за внатрешни работи, а нивните дечиња во пасоши.

Мајките полицајки и нивните дечиња продефилирале со групната маска низ еден од поголемите молови во Скопје, а маската ја крстија: „Каде на одмор?“

Овие мајки на Инстаграм добија голем број пофални коментари, а сите се сложни дека станува збор за мошне досетлива и уникатна маска.

Погледнете повеќе фотографии во продолжение:

Прочитајте и Македонската шминкерка Фрози Фран со одлична првоаприлска маска – Фиона од „Шрек“

Б. С. Б. | Црнобело