Вирален статус на македонска професорка: „Што очекувате од деца чии родители им купуваат скапи автомобили за матура?“
- Детали
- понеделник, 03 јуни 2024
„Препишувале децата на државна матура. А што очекувавте од деца, чии родители (секоја чест на исклучоците) вршат притисоци, од прво одделение па натаму, за повисока оценка наместо да работат со децата?“ - вирален статус на македонска професорка, кој ги подели мислењата.
фото: Фејсбук / depositphotos.com
Многумина се согласуваат дека во македонското образование многу работи веќе одамна се изместени и вредностите се целосно изгубени, обострано - и од страната на децата и родителите, но и од страната на системот.
Токму на оваа тема се огласи и пијанистката, композиторка и професорка на Факултетот за музичка уметност, Дарија Андовска, која овојпат се осврна на проблемот кај дел од родителите.
Нејзиниот остар Фејсбук статус вирално се споделува, а гласи:
Препишувале децата на државна матура.
А што очекувавте?
Што да се очекува од деца,
чии родители (секоја чест на исклучоците)
вршат притисоци, од прво одделение па натаму,
за повисока оценка наместо да работат со децата?
Што да се очекува од деца,
чии родители (секоја чест на исклучоците)
никогаш не им дале доверба и одговорност,
туку напротив, ги пишуваат нивните домашни задачи?
Што да се очекува од деца,
чии родители (секоја чест на исклучоците)
од матурските прават свадби, им купуваат скапи автомобили зашто завршиле задолжително образование?
Што да се очекува од деца,
чии родители (секоја чест на исклучоците)
ќе ги вработат благодарние на нивните врски,
а не поради тоа што децата инвестирале во себе, го научиле и ќе го научат?
Од дома почнува сè.
Додека во коментари многумина се сложуваат со професорката и вирално го споделуваат статусот, има и такви кои сметаат дека проблемот не е во родителите, туку во целиот систем.
Каков е вашиот став?
М. М. | Црнобело
Би можело да ве интересира:
Препорачуваме
Најчитани неделава
