Александра Шијакоска е бремена - објави емотивно видео со сопругот и трудничкото стомаче
- Детали
- вторник, 04 јуни 2024
„Некогаш далечен сон, денес реалност“ – напиша Александра Шијакоска до емотивното видео со кое објави дека е бремена со своето прво дете, по тешката животна битка која ја извојува.
Битолската инфлуенсерка Александра Шијакоска соопшти прекрасна вест – со сопругот Едмонд го очекуваат нивното прво дете.
На нејзиниот Инстаграм профил таа објави романтично и емотивно видео со саканиот покрај плажа.
Таа го покажа трудничкото стомаче и ехо снимките, а двајцата блескаат од среќа во најубавите моменти, по бурниот период кој конечно е зад нив.
Инаку, на 29-годишна возраст, битолчанката се бореше со тешка животна битка, откако ѝ беше дијагностициран тумор на мозокот.
Таа храбро и силно успеа да излезе како победник од оваа битка, а покрај неа, освен нејзиното семејство, постојано беше нејзиниот сакан Едмонд.
Во јули 2023, тие официјално стапија во брак на прекрасна свадбена церемонија, а една година подоцна, им се исполни најголемиот сон, да станат родители.
Прекрасната Александра е вистинска инспирација за сите кои минале низ слична животна битка и доказ дека и најнереалните соништа може да се исполнат, а животот да се живее со полн здив.
Прочитајте и Александра Шијакоска за CRNOBELO.com: „Кога ми кажаа дека ризикот од смрт е многу голем прво се исплакав, сила најдов во луѓето кои ме сакаат“
М. М. | Црнобело
Би можело да ве интересира:
