Ребека, Македонка во САД со моќна порака: „Пробав и сфатив - не сме сите за семеен живот и тоа е во ред“

Детали

среда, 12 јуни 2024

„Разбрав дека јас сум створена за кариера, работа и љубов и тоа е во ред“ – порача меѓу другото Ребека Наумоска, која по разводот со сопругот и малата криза, успеа да докаже дека жените знаат и умеат и сами да се изборат во животот доколку инвестираат во себе, а главен мотив ѝ е синот. 

По бурниот период со разводот, нашата Ребека Наумоска, која живее во Сан Франциско, САД целосно се посвети на синот и на кариерата, а секојдневно преку социјалните мрежи се обидува да упати моќна порака до сите жени кои се соочуваат со бурни периоди во нивните животи.

Таа во последната една година успеа да основа своја академија за странски јазици и го најави својот прв роман „Тело без душа“, кој е инспириран од вистински настани.

Освен тоа, таа секојдневно на Инстаграм упатува моќни пораки до жените да инвестираат во себе и во сопственото знаење, наместо да чекаат некој да ги издржува. 

Во таа насока е и нејзината последна објава на Инстаграм во која зборува за тоа како првично се обидела да ја игра улогата на традиционална домаќинка, во семејство во кое сопругот е тој што придонесува за домот.

„Сфатив дека овие услови не ми одговараа. Ми стана јасно дека јас сум кариерно ориентирана жена која ужива да работи, да предава и да постигнува нови цели.

Јас сум мотивирана, амбициозна и одлучна да постигнам нови успеси на професионален план. Исто така ја разбирам важноста од добивање здрава љубов и поддршка и знам како да ја возвратам љубовта.

Да се прифатиме и сакаме себеси такви какви што сме си“ – им порача Ребека на нејзините следбеници.

На самото видео таа напиша:

„Пробавме топол дом и семејство, но разбрав дека јас сум створена за кариера, работа и љубов и тоа е во ред.

Да се прифатиме меѓусебно такви какви што сме и да го разбереме моментот дека не сме сите за семеен живот: маж, деца, куќа, куче.“

За потсетување, Ребека е родена во Скопје, а детството го поминала во Франкфурт, Германија. По запознавањето со поранешниот сопруг Марк се преселила во Сан Франциско во САД.

По разводот од сопругот и кризата низ која помина, таа постојано покажува и докажува дека жените знаат и умеат и сами да се изборат во животот, доколку инвестираат во себеси и се решени да бидат среќни и успешни. 

Прочитајте и Ребека, Македонка во Сан Франциско: „Животот ми приреди бура - како испливав нагоре без страв и омраза?“

Б. С. Б. | Црнобело