Јелена Спенџарска слави 2 години љубов со Лукас: „Животот ми е сменет откако побара да му бидам девојка“

Детали

четврток, 08 август 2024

„Кога поминаа 2 години? Мене ми се како 20 години и 2 минути во исто време. Многу чуден концепт имам за овие две години. Ама, најубавите“, вели Јелена за љубовта со Гркот Лукас.

Водителката и инфлуенсерка Јелена Спенџарска откри дена на денешен ден пред точно две години - 08.08.2022 почнала љубовната врска меѓу неа и Лукас и тоа, откако тој ја прашал дали ќе сака да му биде девојка.

Јелена, која во моментов е на летување со другарка во Грција, објави неколку Инстаграм Сторис на кои раскажа дел од нивната љубовна приказна.

„8-ми август е посебен ден за мене. Буквално животот ми е променет скроз откако сум со Лукас, некако имам чувство дека си дојдов на своето и од тука сè понатаму е толку полесно и забавно“ - напиша таа. 

Водителката откри дека годишнината со Лукас ќе ја прослават за неколку дена, бидејќи нејзиниот сакан е во Солун , но викендов ќе ја земе за да одат на зазедничко летување во Ханиоти.

„Денес се точно 2 години откако Лукас ме побара да му бидам девојка. Да, тој ме побара да му бидам девојка, како што мажите кога ги запросуваат жените, бараат да им бидат жени, мене Лукас на истиот начин ме побара да му бидам девојка.

Кога поминаа 2 години? Мене ми се како 20 години и 2 минути во исто време. Многу чуден концепт имам за овие две години. Ама, најубавите.

Лани за годишнината бевме на истото место каде што ме побара да му бидам девојка, ја најдовме истата маса.

Годинава нема да сме заедно, ама и покрај тоа, луѓето ми зборувале дека кога ќе го сретнеш вистинскиот - ќе знаеш, се прашував како ќе знам, викав дајте ми дефиниција, дајте ми нешто.

Ама кога ќе го сретнете, нема дефиниција, стварно е чувство“, вели таа во видеата што ги објави.

Јелена сподели и фотографија со Лукас, со која му посака среќна годишнина.

„Животот со тебе е волшебен“, напиша таа.

Прочитајте и Јелена Спенџарска сама на одмор: „Излезете од сопствените граници, не знаете каде ќе ве одведе животот“

А. Ј. | Црнобело