Ирина Камилоска го откри полот на бебето, синот Јосиф ќе добие сестричка

Детали

петок, 09 август 2024

„Едни велат ако мајката носи девојче, се разубавува, а други дека девојчињата ја 'крадат' убавината од мајката“, кажа Ирина и ги праша следбениците на Инстаграм што мислат тие, дали е бремена со момче или девојче.

Планинарката Ирина Камилоска и пејачот Павле Камилоски наскоро ќе станат родители на девојче.

Ирина преку Инстаграм Сторис овој пат откри дека чека женско бебе.

„Девојче е“, напиша таа.

Ирина, исто така преку Инстаграм, неодамна го покажа трудничкото стомаче и тогаш потврди дека е бремена со второто дете.

Но, додека денеска се искачуваше на Водно, во петтиот месец од бременоста, таа ги праша своите следбеници што мислат, дали бебето што го носи е женско или машко.

„Поделени мислења. Едни велат ако мајката носи девојче, се разубавува, а други дека девојчињата ја 'крадат' убавината од мајката“, кажа Ирина.

Таа, потоа им остави можност на оние што ја следат на Инстаграм да гласаат за тоа дали бебето е машко или женско.

Инаку, Ирина и овој пат е активна трудница, исто како и пред раѓањето на првото дете. Неодамна со Павле се качијна врвот Меденица, кој е на 2.163m надморска висина, и тоа го направи во 4-тиот месец од бременоста.

За потсетување, Ирина и Павле во јуни 2023 станаа родители на синот Јосиф, а кој наскоро ќе стане постаро братче на девојчето.

А. Ј. | Црнобело