Слобода Миќаловиќ воодушевена од Охрид – сподели фотки од Свети Наум, каде уживаше со колегите

Детали

вторник, 20 август 2024

Прошетка до манастирот Свети Наум, пловење со кајче низ изворите на Црн Дрим... Српската актерка Слобода Миќаловиќ сподели фотографии од посетата на најпознатиот манастир во Охрид, пред претставата со која ќе го затвори „Охридско културно лето“.

Српската актерка Слобода Миќаловиќ деновиве престојуваше во Охрид, каде по повод затворањето на манифестацијата „Охридско културно лето“ денес (20.08) ќе игра во претставата „Алиса во земјата на стравовите“ на Југословенски драмски театар од Белград.

Но, слободното време, таа и колегите го искористиле за да посетат некои од убавините на македонскиот бисер, а секако посетата на Охрид, не би била целосна ако не се посети манастирот Свети Наум, каде и до ден-денес според верувањата може да се слушне отчукувањето на срцето на светецот.

Слобода, која се прослави уште со улогата во филмот „Зона Замфирова“, каде го толкуваше ликот на слугинката Васка, не ги крие своите импресии од Охрид.

Таа на Инстаграм објави повеќе фотографии од Свети Наум заедно со колегите, покажа како изгледа надворешниот и внатрешниот дел на манастирот, а сподели и кратко видео од возењето со кајче по изворите на Црн Дрим.

Инаку претставата „Алиса во земјата на стравовите“ премиерно била изведена во 2022-ра година, а во неа, освен Слобода играат и Милена Радуловиќ, Милан Мариќ, Ива Манојловиќ...

Погледнете ги фотографиите во продолжение:

Б. С. Б. | Црнобело