Каде е и што прави денес Фифи Јаневска, која настапуваше во „X фактор“?

Детали

петок, 04 октомври 2024

„Работата е што луѓето секогаш имаат различни мислења и верувања за вас. Тоа е во човековата природа и не треба да ве засега“, гласи една од објавите на Фејсбук на Фифи Јаневска (33) - наша трансродна пејачка, на која сега Шведска ѝ е дом.

Фифи Јаневска (33) е наша трансродна пејачка која веќе години наназад живее во Стокхолм, Шведска.

Јавноста во Македонија ја запозна со настапите во музичкото шоу „X фактор“, а нејзиното мото е „Не дозволувајте другите луѓе да ви кажуваат кои сте“.

Фифи во Шведска

На фотографиите што ги објавува на Фејсбук се гледа дека животот во Шведска навистина ѝ годи, а музиката сè уште ѝ е најголема љубов, иако на извесен период се одделила од неа.

Во декември 2023-та година Фифи сподели дека ѝ е мило што по подолго време повторно влегла во музичко студио.

„Музичко снимање, по сите овие години“, напиша таа.

Таа во една пригода објави:

„Мојот ментор од „X фактор“ Кристина Ковач, една прекрасна и неверојатна жена, отвори хор во Стокхолм, па ако сакате пеење и сте од некоја од поранешните југословенски републики, пријавете се“.

Покрај објави за љубовта кон музиката, Фифи на Фејсбук постојано промовира дека животот треба да се живее на начинот на кој вие самите сакате да го живеете.

Минатата година, пред нејзиниот 32-ри роденден, таа напиша:

„Работата е што луѓето секогаш имаат различни мислења и верувања за тебе. Тоа е во човековата природа и не треба да ве засега вас.

Што мислат другите луѓе за вас и што кажуваат за вас, не е ваша грижа. Тоа е рефлексија на нив и само нив и покажува во каква реалност тие живеат (внатре во нивните глави).

А ти драга моја држи ја главата високо исправена и секогаш имај на ум дека не ти е потребно ничие одобрение, ниту прифаќање, за да бидеш тоа што си и да го живееш животот што сакаш да го живееш.

Славете го животот драги мои“.

Повеќе фотографии од неа на следната страница...