Менче Трповска: „Лани колкот ми беше заменет со керамички, сега трчав на Скопски маратон 2024“

Детали

понеделник, 07 октомври 2024

„Пред 7 години ми беше дијагностицирано коксартроза на лев колк, кое беше проследено со многу силни болки“, вели Стаменка Трповска - Менче (30) од Скопје за CRNOBELO.com, која е наша хероина од Скопски маратон 2024.

Стаменка Трповска - Менче (30) од Скопје, по професија музичар – теолог, е вистинска инспирација.

Таа лани имаше операција за замена на колкот, поради дијагнозата коксартроза, а годинава веќе трчаше на Скопски маратон 2024.

Тоа е дух, зарем не?

Коксартрозата е хронично дегенеративно дистрофично заболување на зглобовите. Најчесто ги погодува постарите, но не ги исклучува ниту помладите луѓе.

Менче за CRNOBELO.com вели:

„Пред 7 години ми беше дијагностицирано коксартроза на лев колк, кое беше проследено со многу силни болки и ограничени движења на истиот, па затоа пред една година во мај, 2023 година ми беше поставена целосна керамичка протеза на колкот.

Еве после само година дена од операцијата трчав на Скопскиот маратон 2024 без никакви болки и ограничувања.

Чувството е прекрасно и се радувам што конечно можам да се вратам целосно на своите спортски активности и да трчам уште многу маратони.

Но, сето ова немаше да биде возможно без стручноста и професионализмот на проф. др. Виктор Камнар кој направи маестрална операција и неизмерно сум благодарна на него за сето ова што го можам денес“.

©CRNOBELO.com Забрането преземање и копирање. Крадењето на авторски текстови е казниво со закон.

С. С. | Црнобело