Лила Филиповска прослави роденден во Малта: „Убав е животот кога ќе помислиш колку е непредвидлив и краток“

Детали

вторник, 15 октомври 2024

„Не сакам да зборувам за она низ што поминав, тоа што ме болеше сега е минато... И јас не знам од каде толку години се направија, ама мои се и ги сакам“ – напиша Лила на роденденското видео од прославата во Малта.

Лила Филиповска деновиве ужива во патувачка авантура низ Малта заедно со пријателките.

Таму таа го прослави и својот роденден, а на Инстаграм објави видео, на кое облечена во целосно црн аутфит танцува, се забавува со роденденски реквизити и дува свеќички на колач.

Во позадина на видеото свири песната „The Winner Takes it All“ од ABBA, a во описот на објавата напиша:

Она што сакав да го кажам е кажано во оваа песна, овој вечен евергрин „The winner takes it all“.

„Не сакам да зборувам за она низ што поминав,
тоа што ме болеше сега е минато
Можеби е победа , или само судбина
Сепак… само победникот зема сѐ…“

Ова е мојата верзија и многу ми се допаѓа.

Убав е животот драги пријатели, уште поубав кога ќе помислиш колку е непредвидлив и краток. Не ме прашувајте како знам.

Затоа да уживаме, да шетаме, да се дружиме и да се сакаме.
И само здравје да дава Бог.

И не ме прашувајте, и јас не знам од каде волку години се направија. Ама мои се си ги сакам.

М. М. | Црнобело