Дечиња направија цртежи на фустанот на Марија Атанасова за Макфест – сега го продава за хуманитарни цели

Детали

вторник, 29 октомври 2024

Штипјанката Марија Атанасова на „Макфест“ се претстави со песната „Ти си ми сè“, а освен со извонредните вокални способности, вниманието го привлече и со акцијата за хуманост која ја покрена по завршувањето на фестивалот.

Штипјанката Марија Атанасова, годинава се претстави на фестивалот „Макфест“ во Штип со композицијата насловена „Ти си ми сѐ“.

Таа настапи со уникатен фустан изработен од рачињата на децата во објектите на детската градинка „Астибо“ во Штип, а потпишан од децата со специјални потреби.

На Фејсбук страната на детската градинка „Астибо“ се објавени фотки на кои може да се види како дечињата со своите вешти раце цртале и се потпишувале на белиот фустан на Марија.

На белиот фустан со кој Марија настапи на сцената во Домот на култура „Ацо Шопов“ во Штип беа пресликани детската фантазија и креативност.

А младата пејачка покажа дека како јавна личност сака да помогне и да направи промени за оние најранливите, на кои навистина им се потребни поддршка и помош.

фото: Фејсбук - Gradinka Astibo 

„Со голема радост го ставам на аукција фустанот со кој настапив на Макфест 2024!

Овој уникатен фустан е украсен со цртежи направени од дечињата кои престојуваат во градинките Астибо во Штип и дечињата со попреченост од дневните центри во Штип, носејќи со себе топлина, љубов и искрени детски емоции.

Средствата собрани од аукцијата ќе бидат донирани за поддршка на деца со посебни потреби. Придружете се и помогнете да направиме разлика за овие мали херои!“ – напиша таа на Фејсбук.

Нејзиниот хуман чин е поздравен со голем број позитивни коментари и пофалби на социјалните мрежи.

Во продолжение погледнете повеќе фотографии од изработката на фустанот:

Фото: Фејсбук - Gradinka Astibo 

Фото: Фејсбук - Gradinka Astibo 

Фото: Фејсбук - Gradinka Astibo 

Фото: Фејсбук - Gradinka Astibo 

Б. С. Б. | Црнобело / фото: Фејсбук