Aлександра Пилева живее во САД со сопругот и синот (13): „Поминаа 20 години од мојата победа на Макфест“

Детали

среда, 06 ноември 2024

„Секојпат кога ја пеам „Нема Утеха“ доаѓаат такви емоции. Немавме ниту еден човек наш со карти во публиката, моите беа дома, а пак продукцијата моја тогашна не беше ни свесна за тоа што песнава ќе донесе...“, емотивно споделува Александра Пилева Чадиев (44) за победата на Макфест во 2004.

Александра Пилева Чадиев (44), која ја запознавме како девојката со моќен, ангелски глас со потекло од Неготино, во 2013 година ја напушти Македонија и со своето семејство се пресели во САД. 

Таа е мајка на Лука (13), а нејзиниот сопруг е поранешниот тренер на женската одбојкарска репрезентација, Зоран Чадиев.

Александра работи како агент за недвижнини, но не ја заборава и музиката, па понекогаш има настапи.

Таа беше финалистка на манифестацијата „Плеј – потрага по ѕвезди“. На големото финале ја изведе песната „Ангел мој“, којашто беше наградена со една од двете специјални награди.

Во 2004 на Макфест настапи со песната „Нема Утеха“, а сега, 20 години подоцна, на нејзиниот Фејсбук профил се потсети на наградите што ги добила со оваа песна.

Нејзината објава гласи:

„20 години од победата на Макфест 2004 со „Нема Утеха“.

Песна која започна со свирење во станот на Весна Малинова и кога си реков конечно песна и за мене.

Понекогаш мислам дека Весна ме познава повеќе како артист, отколку што јас се познавам самата...

Што да кажам... Секојпат кога ја пеам „Нема Утеха“ доаѓаат такви емоции што публиката ги познава и ги наградува. Едноставно самата изведба за мене прво е предизвик, па текстот, па музиката, па аранжманот на Дарко Тасев - прекрасно.

Немавме ниту еден човек наш со карти во публиката, моите беа дома, а пак продукцијата моја тогашна не беше ни свесна за тоа што песнава ќе донесе...

А, пак, новинарите ме наградија со награда за најдобра интерпретација. Каква чест!

Имам и планирам изненадување кое се надевам ќе имам можност да го изреализирам за ‘Нема Утеха’“.

Прочитајте и Каде се денес ѕвездите на М2 продукција: Што прават сега Сакине, Џеват, Александра Пилева, Игор и Сања Лефкова?

С. С. | Црнобело