Се слави свети Ѓорѓи – Се јавува како витез за да им помогне на оние што го слават

Детали

сабота, 16 ноември 2024

Во ноември и декември има две куќни слави посветени на великомаченикот Георгиј. Денешниот ден е посветен на возобновувањето на неговиот храм во Палестина. Среќна слава на сите што слават!

На 16-ти ноември се слави празникот Обновување на храмот на светиот великомаченик Георгиј во Лида, кој се слави како куќна слава во голем број македонски семејства.

Овој празник му припаѓа на есенскиот циклус празници, а востановен е во чест на обновувањето и осветувањето на храмот посветен на големиот светител.

Главниот празник посветен на светиот великомаченик Георгиј – Победоносец се слави на 6-ти мај, кој во народот е познат и како „Ѓурѓовден“ и се смета за еден од поважните пролетни празници.

Во есенскиот циклус има два празници посветени на Свети Ѓорѓи, првиот на 16-ти ноември, а вториот на 9-ти декември.

Светиот великомаченик, победоносец и чудотворец Георгиј се родил. Живеел и пострадал при крајот на третиот и на почетокот на четвртиот век, во времето на владеењето на Диоклецијан, кој од 303-та година почнал силен прогон против христијаните.

Пред крајот на својот живот, кога бил во затвор свети Георгиј побарал да го посети неговиот слуга. Тој го замолил, по смртта неговите мошти да бидат пренесени во Палестина, родното место на мајката на светецот.

Царот Константин кој многу го почитувал свети Георгиј, во Лида во Палестина изградил голем храм посветен на светецот и таму било положено неговото тело.

Денешниот празник е востановен во чест на обновувањето и осветувањето на храмот, а во голем број македонски семејства се слави и како куќна слава.

 На православните икони свети Ѓорѓи е претставен како со меч ја прободува ламјата која е симбол на паганската вечера, додека на иконата која го претставува денешниот празник, најчесто е претставен како држи копје во рацете.

Се верувало дека свети Ѓорѓија знае да им помогне на тие што се во неволја. Најчесто се појавува во облик на млад витез на коњ, а најмногу им помага на оние што го слават неговиот ден.

Б. С. Б. | Црнобело