Кристина Арнаудова револтирана: „Сè ви смета, само нешто да се мразело“

Детали

сабота, 14 декември 2024

„Сè ви смета. И елки, и семејства, и фоткање, и купаќи, и скии, и исти џемперџиња. Една социјална мрежа за мразачи нека се направи. Таму соберете се и мразете сè“ - напиша Кристина, револтирана од постојаниот „хејт“ на интернет.

Пејачката и претседателка на здружението „Среќа“, Кристина Арнаудова, не го крие револтот од луѓето кои на социјалните мрежи секогаш имаат негативни коментари и на кои им пречат сè и сите.

Таа не додржа, па на Фејсбук објави статус преку кој порача дека можеби би требало да се отвори социјална мрежа за да се соберат сите мразачи на едно место.

Во статусот, Кристина напиша:

„Сè ви смета. Ко на Гринч. И елки, и семејства, и фоткање, и купаќи, и скии, и исти џемперџиња. Само нешто да се мразело.

Ок е. Секој нека живее како сака. Што сме ние тука, судии?

И Гринч на крај научи, само вие останавте да мрчите за исти нешта секоја сезона…

Една социјална мрежа за мразачи нека се направи. Таму соберете се и мразете сè“.

Нејзиниот статус предизвика многу реакции, а во коментарите луѓе велат дека работите „избегаа од контрола“ со социјалните мрежи и дека секој си дава за право и да биде судија и да сподели негативно мислење и омраза.

Објавата на Кристина ја сподели и Тамара Тодевска со коментар дека „секој збор ѝ е на место“.

А. Ј. | Црнобело