Хумани луѓе, оздравени дечиња, спасени животни: Убави вести од Македонија што ја одбележаа 2024-та

Пред почетокот на учебната година, Елена и Стојан ја искористија нивната свадба како можност да соберат школски прибор кој потоа го донираа во Црвен крст Гази Баба.

76-годишниот дедо Василе од Велес си направи тетоважа – прва во животот – со посебно значење за него. Тетоважата му ја направи неговата внука.

Во пресрет на празничната сезона, Македонката Марјана направила дури 500 сармички за Св. Никола.

Учениците од „Никола Карев“ во Скопје направија куќички за бездомни животни, додека училиштето беше прогласено за првото пет-френдли училиште во Македонија.

61-годишна Македонка го роди своето прво бебе на ГАК во Скопје.

Од ноември, на аеродромот во Скопје се наоѓа Дино, куче од расата златен ретривер чија работа е да ги опушта и дружи патниците пред лет.

Доктор Владимир Чадиковски успешно изведе операција на бебе тешко само 980 грама – најмало досега на неговиот оддел.

Македонец, кој е голем фан на 30 Seconds to Mars, се качи на сцена со својот идол Џаред Лето.

Во Струмица се одржа ревија во организација на Здружението за поддршка и помош на лица со Даунов синдром, а меѓу ѕвездите беа лица со попреченост.

Спирова С. | Црнобело