Миа Костова за анксиозноста: „Лошата мисла може да те одведе до болница, па инфузии, па да видиш бели мантили“

Значи да го протуркаш како нешто што е неважно, затоа што ако му дадеш внимание, многу зема на сила.

Тоа е како едно онакво човече, гремлинче, коешто е малечко и ако му ставиш вода станува еден таков ѕвер, што не можеш да се спасиш, мораш да отидеш во болница, да ти стават 2-3 инфузии, да ги видиш тие во бели мантили и да си кажеш: „Добро е, се спасив, во сигурни раце сум. А нема врска“.

Така што и тие црни мисли многу често знам да ги прекинам, односно да си речам: „Не е ова Миа интуиција, ова е чиста анксиозност – престани да мислиш глупости. Не можеш да му ускратуваш на детето да излезе пред зграда, затоа што ти си умислила дека ќе падне шипката од лулашката и точно на него ќе му падне.

Значи престани, престани, ќе го упропастиш и детето и себе се упропастуваш. Доста!“

И ќе го пуштам да излезе и гледам да не му ја пренесувам таа тежина на него.

И многу се радувам што сум имала неколку случаи на Инстаграм и да ми пише некоја жена, претежно се жени, и да ми рече: „Се гушам, го терам маж ми да ме врати од граница, значи ќе паднам. Заради тебе тргнав на одмор, помогни ми како да ја поминам границата“.

Ми се случувало говорни пораки да праќам на луѓе коишто не ги познавам и ќе ми пише после тоа: „Поминав граница, ми го спаси бракот“.

Погледнете го нејзиното цело гостување:

С. С. | Црнобело