Ивана Кнез: „Кај инфлуенсериве сè е совршено - Не бе срце, станувам отечена, искривена, разбираш? Сè е океј“

Детали

петок, 07 февруари 2025

„Почнаа да се наметнуваат инфлуенсери кај коишто сè е идеално, сè е прекрасно, сè е „wow“... Не ми мјаукајте, човече,  животот е тежок. Мислам да не се лажеме. Имаме моменти кај што не ти се дише, не ти се јаде, не ти се живее...“, гласи дел од изјавата на Ивана Кнез во гостувањето во „YUGO“ кај Мими Марковски.

Дизајнерката Ивана Кнез е позната како жена без влакна на јазикот и жена која на секоја тема најискрено говори.

Па, така беше и во едно нејзино неодамнешно гостување во емисијата „YUGO“ на Мими Марковски, каде во неговиот автомобил разговараа на разни теми, а меѓу другите теми зборуваше и за инфлуенсерите и за тоа како не ѝ се допаѓа дека пред следбениците, особено пред децата, лажно претставуваат совршен живот.

Се разбира, тука не станува збор за сите инфлуенсери, туку само за оние кои на Инстаграм креираат илузија на совршен живот, а реалноста е сосема поинаква, односно секој има лоши мигови во животот, без разлика дали тоа е болест, смрт на блиска личност, неуреден дом или пак станување отечени од бессона ноќ, едноставно тоа е животот и се случува.

Умешноста на живеењето е да ги прифатите и негативните мигови како дел од него и успешно да се издигнете над тоа, порака која некои инфлуенсери како во светот, така и во Македонија, сепак, успеваат успешно да ја пренесат и секоја чест за тоа.

Нејзиното мислење на темата за инфлуенсерите кои креираат илузија на совршен живот:

„Јас многу ги мразам инфлуенсериве, сериозно ги мразам.

Мислам можеби мразам е многу јак збор ама да, ги мразам што ги лажат девојкиве дека сè е толку така нашминкано, идеално, перфектно бла, бла...

Мене еден менаџер ми го има кажано тоа: „Не може да ставаш слика од тебе таква небањата“...

До кога ќе ги лажете, децава особено? Деца ме гледаат – зошто да го лажам детево да живее во илузија дека се разбудив вака (совршена)?

Не бе срце, станувам отечена, искривена, смрдам, разбираш? Сè е океј.

Почнуваме да живееме во огромна лага и си наметнуваме дека сè е идеално, но не е.

Продолжува на следната страница...