Ксенија Николова: „Ако нешто во животот научив, тоа е да продолжувам напред кога е најтешко“

Детали

сабота, 22 февруари 2025

Ксенија Николова открива која вештина ја развила во најтешките денови со сите искушенија, со сите разочарувања, со сите неправди, со сите напуштања и затворени врати кои ги доживеала...

фото: rolladobolla

Писателката Ксенија Николова на совршен начин преку пишан збор ги искажува своите мисли и емоции, но и на другите им испраќа моќна порака.

Таа неодамна за CRNOBELO.com проговори за љубовната приказна со сопругот Ненад, но сега открива што друго ја движи напред во животот, покрај љубовта.

Нејзината исповед гласи:

„Ако нешто во животот научив, тоа е да продолжувам напред кога е најтешко, да не се вртам назад и да верувам дека ме чекаат нови, подобри нешта, да си верувам самата на себе и да знам дека мојата вистина е валидна.

Тоа е вештина која ја развив во оние најтешките денови и благодарна сум за сите искушенија, за сите разочарувања, за сите неправди, за сите напуштања и затворени врати.

Да останеш сам со себе е најважното соочување што секому му посакувам да го доживее, тогаш човек учи целосно да се потпре на себеси и да биде сигурен дека е способен да се спаси и да си обезбеди подобар живот.

Многу сум среќна што конечно знам што е вистинска самодоверба и што значи вистински да си веруваш.

Незапирливите се всушност оние кои безусловно веруваат во себе и тогаш кога целиот свет се сомнева во нив. Одиме напред!

И не се објаснувај, тоа е залудно потрошено време.

Луѓето прашуваат, а веќе го имаат смислено одговорот, не е важно што ќе кажеш, тие секогаш ќе те гледаат од својата перспектива.

Пливај во своите води, таму нема да имаш потреба ни да зборуваш, а секогаш ќе бидеш разбран. На оние другите, само насмеј им се, направи им го денот поубав, подобро е тоа отколку да влезеш во дискусија со нив и да си го расипеш својот.

Грабни туѓа среќа и нема да стасаш ни до следната улица. Создади своја и ќе стасаш до ѕвездите“.

Прочитајте и Љубовната приказна на Ксенија Николова и Ненад: „Ми беше симпатија уште во средно, тој е моето сидро, а јас неговото море“

С. С. | Црнобело / фото: rolladobolla