Миа Костова за синот: „Имаше краток период на гоење, никогаш не сум му давала благо само затоа што е ‘греотка’“

Детали

вторник, 25 февруари 2025

„Битно е децата да ги насочите кон вистинска исхрана и што е здраво, а што не, а не кон гладување. И да, треба да посветите време. Јас сум од оние немодерни мајки кои 12 години готват по најмалку 3 оброци само за него“ - напиша Миа Костова на Инстаграм.

Инфлуенсерката Миа Костова скоро секогаш привлекува внимание со своите објави на социјалните мрежи, а овој пат, сосема неочекувано, како што кажа самата, тема на разговор стана нејзиниот син Андрија.

Откако објави фотка од Андрија и Тијана, на која двајцата имаат иста бела маичка за вежбање, таа кажа дека добила многу пораки во однос на физичкиот изглед на синот и прашања за неговиот тренинг, начин на исхрана и слично.

Поради ова, Миа реши накратко да раскаже нешто за тоа како Андрија расте и се развива.

„На прашањата за Андрија... има 12 години. Дали тренира, што тренира? Ништо не засака да тренира, проба сè низ годиниве.

Сега вежба секој ден дома (склекови, тегчиња), внимава сам на исхрана, претежно сам бара протеини и слично.

Не е дека не пие и по некоја кока-кола и дека не јаде благо.

Имаше еден краток период на гоење во кој константно зборувавме за храна и му давав правец и тогаш, а и на 2 годинки - кога сите ми викаа ‘Греотка е дај му благце’ - не сум давала.

Па, така и денес му е полесно да јаде боранија и ориз, иако не одбива бургер - ама тоа е навистина ретко.

Свесноста кон храната и вежбањето му е развиена, и тоа е уште една моја победа.

Со други зборови не ги жалете ‘Мал е да проба, мал е нека јаде’.

Нема зошто да јаде и да е мал за чипс. Сè е ок.

Ама утре вие сте криви кога на 12 години е гојазен со целулит и цицки.

Пак се враќаме на тоа дека воспитување во кој било правец е на родителот“.

Продолжува на следната страница...