Синот на Кире Лазаров матурираше - Гордиот татко објави ретка фотографија од Благојче

Детали

понеделник, 02 јуни 2025

Ракометната легенда, Кире Лазаров, кој скоро никогаш не споделува приватни фотографии во јавноста, на Инстаграм Стори, објави фотка од синот матурант и покажа колку се гордее со него.

Благојче Лазаров, синот на нашата ракометна легенда, Кире Лазаров, е матурант.

Благојче матурираше во приватна скопска гимназија, а неговиот татко, на Инстаграм Стори сподели фотка од синот, облечен во матурска одора и со капа на главата, додека ја прима дипломата.

На самата церемонија, за сите матуранти беа подготвени и специјални фотографии - едната од матурското табло и една фотка од детството, кога биле мали.

Благојче е постарото од двете деца на Кире и неговата сопруга Љубица. Тие ја имаат и ќерката Лана.

 Фото: Приватна архива

Во интервју за CRNOBELO.com, Кире претходно кажа дека синот го добил името по неговиот татко Благој и дека со сопругата сакале да му направат чест и првиот внук да го крстат по него.

 Фото: Приватна архива

За синот, пак, ни откри дека има голем талент за ракомет, но дека пред семејството од Франција да се врати во Македонија, за Кире да ја продолжи кариерата како селектор, Благојче решил да се откаже од овој спорт.

„Тој тренираше ракомет, но пред да се вратиме од Франција, ми рече: „Тато, јас одлучив да престанам да играм“.

Мене ми падна криво. Го прашав зошто решил така, па ми рече: „Мораш да ме разбереш и да ме поддржиш во одлуката, затоа што колку и да сум добар, никогаш нема да бидам како тебе, а сите ќе ме поврзуваат со тебе и ќе велат дека ме форсираш“.

Размислив за тоа што ми кажа и ја прифатив одлуката. Тој се откажа од ракометот, но е квалитетен во другите сфери во животот. Посветен е доста на училиштето и сигурен сум дека ќе биде успешен во сè што ќе прави“ - ни кажа Кире.

 Фото: Приватна архива

Прочитајте и Кире Лазаров за татковството: „Ги пропуштав родендените на децата поради ракометот, но многу сум близок со двајцата“

А. Ј. | Црнобело