Миро Кацаров и сопругата Ивана ќе добијат син - направија голема забава за откривање на полот на бебето

Детали

петок, 04 јули 2025

„Денот ми помина во исчекување исто како кога ја правевме свадбата. Инаку, јас цело време мислев дека ќе е машко, а Ивана дека ќе е девојче. И Миа велеше дека сака да биде постара сестричка на девојче“, ни откри Мирo, кој е среќен што на есен ќе стане татко на машко дете.

Миро Кацаров и неговата сопруга Ивана вечерва направија голема забава за откривање на полот на бебето и дознаа дека ќе имаат машко дете.

Миро фрлаше фудбалска топка, а нивните пријатели прскаа со спреј, кој беше во сина боја и со тоа открија дека ќе добијат син.

До денес тие беа во исчекување на веста дали ќе имаат син или ќерка, а пликот со резултатите за полот на бебето, како што кажа водителот за CRNOBELO.com, ги имал нивниот кум.

Токму кумот и ја организирал целата забава, на која присуствуваа најважните луѓе од животот на Ивана и Миро, а за заедно со нив да го дознаат полот на бебето, неколку месеци пред неговото раѓање.

„Многу бев возбуден, денот ми помина во исчекување, како на пример кога ја правевме свадбата и очекувавме нешто големо.

Инаку, јас цело време мислев дека ќе е машко, а Ивана дека ќе е девојче. И Миа сака да биде постара сестричка на девојче.

Имаме веќе име и за машко и за женско дете, размислувавме и за тоа, но за сега нема да го откриваме.

А самата забава за откривање на полот беше многу убава, дојде фамилијата, навистина беше многу возбудливо.

Едвај чекам нашето семејство да стане поголемо за уште еден член“, ни кажа Миро.

Прочитајте и Миро Кацаров ќе стане татко, сопругата Ивана бремена со нивното прво дете: „3 години пробувавме да станеме родители“

©CRNOBELO.com Забрането преземање и копирање. Крадењето на авторски текстови е казниво со закон.

А. Ј. | Црнобело