Мајката на малата инфлуенсерка Фрида: „Првиот училиштен ден за нашето прваче беше неочекувано тежок, со солзи“

Детали

четврток, 04 септември 2025

„Не очекувавме таква реакција затоа што Фрида од најрана возраст беше постојано опкружена со други деца, посетуваше градинка, учествуваше во разни активности и детски кампови, но емоциите ја совладаа, плачеше и беше збунета од сè што е ново околу неа“, вели мајката на првачето Фрида за CRNOBELO.com.

Тргнувањето во училиште е една огромна промена во животот на децата и на само 6-годишна возраст тие се соочуваат со сосема нови лица и цел еден нов свет, па не е ни чудно што некои од нив ова го доживуваат многу емотивно.

Таков е случајот и со првачето Фрида, која е наша мала модна инфлуенсерка со 13.000 следбеници на Инстаграм.

Нејзината мајка го споделува ова искуство за CRNOBELO.com:

„Првиот ден во училиште за Фрида се покажа како неочекувано тежок.

Емоциите ја совладаа, плачеше и беше збунета од сè што е ново околу неа.

Сепак, ние како родители, имавме разбирање – свесни бевме дека се работи за нова средина, нови лица и едно големо искуство за неа.

Среќни сме што со секој изминат ден сè повеќе се прилагодува, а веруваме дека наскоро ќе дојде моментот кога со радост и нетрпение ќе тргнува кон училиште.

Инаку, не очекувавме таква реакција затоа што Фрида од најрана возраст беше постојано опкружена со други деца – посетуваше градинка, учествуваше (и сѐ уште учествува) во разни активности и детски кампови.

Токму затоа најмалку очекувавме нејзиниот прв училиштен ден да биде проследен со солзи.

Продолжува на следната страница...