Евгенија (12) од Скопје за загадениот воздух: „Jaс сум само дете, сакам да дишам, а мириса на СМРТ!“

Детали

понеделник, 15 септември 2025

„Jaс сум само дете, сакам да дишам, сакам спорт, а мириса на СМРТ! Ние децата не сме виновни, вие сте! Сакам да растам покрај баба и дедо, а овде веќе нема живот. Што е потребно за да се освестите? Ни овозможивте детство што мириса на отров“, испраќа моќна порака 12-годишната Евгенија од Скопје, која ја претставува нашата држава на танцувачки натпревари во странство.

Евгенија од Скопје е 12-годишно девојче, познато како на Инстаграм со профилот „Sparkly Daughter“, каде има повеќе од 12.000 следбеници.

Таа со своите следбеници ја споделува својата страст кон танцот, детали од нејзиното секојдневие и нејзината љубов кон родната Македонија, која со гордост ја претставува и на танцувачки натпревари во странство.

Но, сега среде пожарите, среде загадениот воздух, таа искрено говори дека е исплашена за својата иднина и за тоа што нема кој да ја заштити.

Од име на сите деца во Скопје и Македонија, Евгенија испраќа порака:

„Од сите деца на кои им ги прекршивте основните детски права:

Jaс сум само дете, сакам да дишам, сакам спорт, а мириса на СМРТ!

Ние децата не сме виновни, вие сте! Сакам да растам покрај баба и дедо, а овде веќе нема живот. Што е потребно за да се освестите? Ни овозможивте детство што мириса на отров. 

Ова не е политика! Вие возрасните зборувате за партии и избори, а ние децата немаме право на избор - се бориме за живот.

Имавме соништа, сега и тие се гушат во чад. Зошто никој не застана пред нас и не кажа: „Ќе ве заштитиме“?“