Каролина, Дац: Македонските познати личности се огласија по смртта на мајка со дете (6) во Тафталиџе во трагични околности

Ина МногуФина

„Лесно е од позади тастатура да кажеш што можела да направи ама ти од друга позиција збориш.

Зошто не го оставила? Може немала каде да оди. Ти текнува дека немаат сите семејство или пријател ко тебе да ѝ рече: Дојди кај мене, јас ќе ти помогнам?

Зошто се омажила со него? Зар мислиш ќе се омажела ако знаела дека е мрднат, а и ако е нетокму - тоа прогресирало низ годините посебно ако се зависности во прашање?

Зошто не го решила? Не може секој да се одбрани на таков начин.

Лесно е да се збори сега ама не е така ко шо мислиме ние од дома. Барала помош, каде е закочен случајот? МВР, ЈО, ЦСР? Да видиме.

Танкица пријави, не го препознаа ризикот кај неа, не превземаа ништо. Го викнаа на разговор го пуштија, толку беше.

Росица пријави кршење мерки, дремеа неколку месеци не вадеа камери, не процесираа, толку беше.

Марија, една од неколкуте жени од кумановско, пријавила, дошле го побарале, не бил дома, толку беше.

Нас ни требаат нови закони. Не е доволно по службена должност да се гони.

Нас ни треба нов закон за социјални работи, нов закон за заштита од семејно насилство, нас ни треба сè ново.

Да влезат пратениците да почнат да работат на тоа. Ова насилство по овие закони очигледно не се спречува. Таму каде што кочат случаите и по овој закон треба службениците со лисици да се вадат.

Ние имаме многу жртви. Не е решение оди ти него истепај го нема да му текне. Нема да му текне за тој што го истепал, за жена му ќе му текне.

Види хроника, секој ден имаме по нешто. Не чини закон, не чини спроведување, сето тоа е споро. Или ќе се превземе нешто или ќе гледаме вакви последици“.