Вирален статус на Македонка: „Интелигентна жена кај нас е к*чка, добра е глупава, а атрактивна – блудница“

Детали

вторник, 10 март 2026

„Во Македонија жената кога е интелигентна и образована ја нарекуваат кучка и одвратна. Ако е манекенка - за нив е многу лесна, блудница. Ако е борбена - таа е чисто зло. Ако не е во брак - не е нормална“, вели Ана Глигорова, режисер и борец за човекови права.

На социјалните мрежи вирално се шири објава на Македонка која поттикнува дебата.

Без разлика што објавата е постара, таа е на безвременска тема за етикетирањето на жените, односно како некои мажи гледаат на нив.

Ана Глигорова, режисер и борец за човекови права, чиј статус сега одново го сподели и Фросина Фро на Фејсбук, зборува како мажите им судат на жените според одредени карактеристики и како секогаш успеваат да ги етикетираат на еден или друг начин.

Објавата на Ана гласи:

„Кога е убава, згодна, привлечна ја посакуваат, но ѝ завидуваат и мразат.

Кога е интелигентна и образована ја нарекуваат кучка, неподобна, одвратна.

Кога е мила, добра, хумана, секогаш подготвена да покаже емпатија и солидарност, таа е најверојатно за нив глупава.

Кога е борбена, директна, самостојна, економски независна - таа е чисто зло.

Кога е вдовица, самохрана, кога не е во брак, таа е „ненормална“ за нив.

Кога чува куче или маче, таа е неспособна да си најде маж или да роди дете.

Ако е манекенка, актерка, балерина, за нив е многу лесна, блудница.

Се прашувам дали можат да бидат сигурни за што мечтаела нивната родена мајка или ќерка.

Не, не се прашуваат! Не се доволно паметни за тоа!“

Уште една објава на Ана на тема жените на следната страница...