Вирален статус на Македонка: „Интелигентна жена кај нас е к*чка, добра е глупава, а атрактивна – блудница“

Уште една објава на Ана на тема жените:

„Жените земаат помала плата од мажите, а работат низа домашни работи (подготовка на храна, грижа за деца, чистење,...), така што работниот ден кај нив не е 8 часа, туку минимум 14, плус жената е често дискриминирана, навредувана дека нема организациски способности, дека не е рационална, неретко вознемирувана како женско битие и уценувана.

Најголемиот проблем лежи токму во оние жени кои ги прифаќаат овие улоги без приговор, плус женските и машките деца ги учат дека ова е нормално однесување.

Во моментот кога жените ќе покажат самодоверба, човечка сила и знаење стануваат гиганти.

Досега ниту едно општествено уредување (во пракса, не во теорија) не покажа дека жената е рамноправна по своите интелектуални, организациски, тимски способности. Не го сметам за успех кога е протната како ќерка, сопруга, мајка, девојка... низ системот.

Да резимирам, насилството има многу лица, не едно, така што активизмот треба да биде објективен и чесен“.

Прочитајте и Катерина К. Стисниовска, адвокат против семејно насилство: „Бранев жртва во случајот ‘Јавна соба’, жени напуштете ги насилниците“

С. С. | Црнобело / фото: pexels