Македонски психолог со апел: „За грип одиш на матичен доктор, за расипан заб на стоматолог, a на психолог кога?“

Детали

четврток, 19 март 2026

„Не ти треба психолог. Така си велиш веќе со години. Ама ти треба сон без мисли што не запираат. Ти треба да не се чувствуваш вознемирено и кога сè е „во ред“...“, вели психологот Зоран Костов и испраќа моќна порака.

Нашиот психолог Зоран Костов испраќа моќна порака на неговиот Инстаграм профил „Психологот“.

Тој вели дека кога имаме каков било друг проблем се обраќаме кај експерти од областа, но зошто тоа не е така и кога имаме проблеми со менталното здравје?

Неговата објава, за која сними и забавно видео:

„Не ти треба психолог.
Така си велиш веќе со години.

Ама ти треба сон без мисли што не запираат.
Ти треба мир во врската.
Ти треба да не реагираш бурно на ситници.
Ти треба да не се чувствуваш вознемирено и кога сè е „во ред“.

Луѓето не избегнуваат психолог затоа што не им треба помош.

Туку затоа што:
- Се плашат што ќе откријат за себе.
- Се надеваат дека „ќе помине само од себе“.
- Пробуваат книги, видеа, цитати, алтернативи…
- Не сакаат да признаат дека ги боли.
- Мислат дека барањето помош е слабост.

Но вистината е поинаква.
Запамeти! Она што го игнорираш – управува со тебе.

Психотерапијата не е последна опција.
Таа е најкраткиот пат до јасност и стабилност.

Кликнете на видеото:

С. С. | Црнобело