Емотивно видео од училиште во скопско Јурумлери: Полуматуранти и првачиња прават смена на генерации и се поздравуваат

Детали

среда, 27 мај 2026

„Кој се сетил на ова секоја чест“ / „Браво, поубаво нешто немам видено“ – коментираат на видеото од скопско основно училиште, на кое полуматуранти излегуваат и се поздравуваат со првачињата кои влегуваат во училиштето, правејќи смена на генерации, а оттаму напишаа: „Кругот на животот“.

Основното училиште „Његош“ – Јурумлери, кое спаѓа под скопската општина Гази Баба е мултиетничко, мултиконфесионално рурално училиште.

На нивните страници на социјалните мрежи тие редовно ги објавуваат активностите на училиштето, а нивното последно видео вирално се споделува.

На снимката се гледа како полуматуранти излегуваат од училиштето и еден по еден се поздравуваат со најмалите дечиња кои влегуваат во објектот и тука ќе го започнат својот образовен процес.

Видеото кое прикажува смена на генерации, предизвикува многу емоции, а во описот од училиштето напишаа: „Кругот на животот“.

Во коментари сите се воодушевени од идејата и реализацијата, а дел од пофалбите кон училиштето гласат:

„Поубаво нешто немам видено, респект за идејата“.

„Смена на генерации, емотивно. Среќно на големите во светот на големите и среќно на малите во нови предизвици и раснење во големи луѓе“.

„Браво, преубаво видео полно емоции“.

„Кој се сетил на ова секоја чест, ова е преубаво“.

Погледнете го видеото: 

М. М. | Црнобело