Сузана Турунџиева емотивна за сопругот: „Ова утро се навршуваат 10 години без тебе Марјане – децата пораснаа, но љубовта и спомените останаа“

Детали

вторник, 28 јули 2026

„10 години без тебе Марјане... Времето лета, децата пораснаа, добивме и внуци, но љубовта, спомените и трагата што ја остави во нашите срца, остана засекогаш... Многу ни недостасува твојата насмевка, хумор, твоите зборови и топлината што ни ја даваше“ - пишува Сузана Турунџиева на 10-годишнината од смртта на нејзиниот сакан Марјан. 

За Сузана Турунџиева ова е посебно тежок ден, бидејќи се навршуваат 10 години од смртта на нејзиниот сакан Марјан.

Таа секоја година на овој ден, но и на денот на неговиот роденден, се потсетува на него и на социјалните мрежи пишува емотивна порака.

Сузана доживеа голема загуба, но вели дека низ годините, иако болката се менува, сепак не исчезнува и само се учи да живее со неа.

За потсетување, пејачката и водителка има две ќерки, Лора (од бракот со Александар Маленко) и Матеа (од долгогодишната љубов со Марјан).

Сузана во 2016 година објави и книга посветена на нејзиниот сакан со наслов „Не вели збогум“, а сега сподели емотивна објава по повод 10-годишнина од заминувањето на сопругот. 

Таа напиша:

„Ова утро се навршуваат 10 години без тебе  Марјане, во кои твоето отсуство го чувствуваме секој ден...

Времето лета, децата пораснаа, добивме и внуци, но љубовта, спомените и трагата што ја остави во нашите срца, остана засекогаш...

Многу ни недостасува твојата насмевка, хумор, твоите зборови и топлината што ни ја даваше.

Болката со годините се менува, но никогаш не исчезнува. Научивме да живееме со празнината, но никогаш да не престанеме да те сакаме и да те спомнуваме.

Ти благодариме за секој момент кој го споделивме, за секоја лекција и за љубовта што ни ја подари...

Твојата љубов е наша сила“.

М. М. | Црнобело