Авон Македонија донира 15.000 долари во кампањата за борба против ракот на дојка

Козметичката компанија ја заокружува октомвриската кампања со нова донација кон здружението „Борка“

avon-makedonija-donira-15-000-dolari-vo-kampanjata-za-borba-protiv-rakot-na-dojkata-01.jpg

Компанијата Авон Македонија која овој октомври го одбележа со серија активности за подигнување на свесноста за ракот на дојка, реализираше и донација во висина од 15.000 долари на здружението „Борка – за секој нов ден“, за борбата против оваа болест.

Овие средства се наменети за продолжување на традицијата и одржување на постоечкиот СОС број 0800 55 777, меѓутоа и за отворање на нова мобилна СОС линија 075 22 88 99, која е достапна седум дена во неделата од 9 до 21.00 ч. Дополнително, со новата донација ќе се реализираат и нови едукации на жените за самопреглед, и тоа во општините во Македонија каде е евидентирана највисока стапка на смртност од овој вид карцином.

На единствената бесплатна СОС линија која Авон Македонија ја отвори во 2006 година во партнерство со здружението „Борка“ досега се јавиле повеќе од 12.000 лица, а бројот на повици од ден на ден сè повеќе се зголемува.

Истовремено, последната достапна статистика од 2012 година од GLOBOCAN (IARC) покажува дека во земјата годишно се регистрирани 1152 новодијагностицирани пациенти, што е за речиси 40% повеќе од претходната година. Од комапнијата велат дека ги увиделе овие потреби и токму затоа со новата донација овозможуваат надградување на услугата, со цел што поголем број пациенти, жени, семејства да добијат помош, совет или информација.

На СОС линиите се нудат информации за закажување прегледи, административни процедури, процедури за операции, справување со хемотерапија и радиотерапија, па сè до совети за исхрана, пост-третман и психолошко советување и поддршка.

avon-makedonija-donira-15-000-dolari-vo-kampanjata-za-borba-protiv-rakot-na-dojkata-03.jpg

„Бесплатните СОС линии се наменети да излезат во пресрет во моментите кога е најтешко на многу жени и фамилии. Овие линии се всушност единственото место во државата каде пациентите и нивните најблиски можат да дознаат сè во врска со болеста. Операторите кои раководат со линиите се членови на нашето здружение и тие освен што се стручни и обучени медицински лица и психолози, тие се и жени кои веќе го преживеале ракот на дојка и кои можат да пружат најреална помош и поддршка за справување со болеста“, вели Биба Додева, претседател на здружението „Борка“.

Дополнително, земајќи го предвид фактот дека старосната граница на заболени е спуштена и најмладата пациентка има само 17 години, дел од донацијата на Авон ќе биде искористена за нова серија едукации за самопреглед во средните училишта низ Македонија во општните каде смртноста е најголема, односно Охрид, Свети Николе, Велес и Струмица, со цел да се едуцираат младите за навремено откривање и превенција на ракот на дојка.

Со реализирање на оваа донација, од Авон велат дека единствено се обидуваат да останат доследни на својата долгогодишна мисија и да допрат до сите жени дека ракот на дојка во над 98% е излечива болест доколку се дијагностицира навреме.

„Кампањата за борба против ракот на дојка во Македонија за прв пат е лансирана пред 8 години и оттогаш речиси секоја година спроведуваме повеќе активности и донации за помош и поддршка на заболените. Вклучително со годинешната, досега имаме реализирано донации во висина од околу 3.700.000 денари, со што веруваме дека успеваме да направиме барем скромна разлика за оние на кои им е тоа најпотребно“, вели Бисера Банова, специјалист за односи со јавност и дигитална комуникација во Авон Македонија.

Би можело да ве интересира:

Нова утринска снежна бајка на Попова Шапка среде јануари (фото) Скијачите и вљубениците во зима копнеат по снег годинава, но ски центрите како м...
Вирален статус на Драган Спасов Дац: „Скопје мое, те плукаат ли? Но, им кажа ли за плажите на Вардар... „Скопје, им кажа ли за плажите на Вардар? За корзото на плоштад и за корзот...
Приказната за едно од најстарите дрвја во Македонија, 5-вековен јавор во село Теово „Одамна, таму некаде во 15 век во ова место дошол некој Турчин. Сакал да ос...

Најчитани неделава

sonovnik-sidebar.jpg