CRNOBELO.com – омилен бренд на студентите

Детали

среда, 16 декември 2015

CRNOBELO.com е меѓу омилените брендови на студентите врз основа на резултатите од истражувањето STUBRAND.

Навистина ни е големо задоволство и посебно драго што оваа награда доаѓа од студентите – најрелевантни и најреални критичари во моментов. Тие навистина знаат да проценат што е добро и каде вреди да поминат квалитетен дел од своето време во текот на денот.

Брендот CRNOBELO.com има позитивен имиџ од 74%, односно голем степен на емотивна приврзаност кон брендот во категоријата Медиуми и телевизиски провајдери.

Првото STUBRAND истражување во Република Македонија опфати вкупно 291 брендови во 19 категории. STUBRAND е уникатно истражување на сегментирана категорија потрошувачи. Целната група врз која се спроведува истражувањето се студенти, односно млади лица на возраст од 18-27 години.

Изборот на студентите како субјекти во истражувањето се темели врз премисата дека оваа потрошувачка група е многу значајна и во тековниот момент, но уште повеќе во иднина. Пораката на STUBRAND е „Креирајте вистинска лојалност кон брендот кај студентите денес, и задржете ги засекогаш!“.

Резултатите од истражувањето се содржани во специјално подготвен извештај во кој покрај податоци за имиџот на секој од истражуваните брендови, достапни се уште и споредбени анализи на имиџот на брендовите во секоја од 19те категории.

Според аналитичките критериуми на истражувањето, STUBRAND може да биде бренд кој има позитивен имиџ поголем од 50%, а PREMIUM STUBRAND може да биде бренд кој има позитивен имиџ поголем од 75% и процентот на Love одговори да е поголем од Like одговори.

Помеѓу омилените брендови на студентите годинава се најдоа и: Стоби Флипс, Атлантис, Скопско, Дурекс, 24 Вести, Телекабел, Ладна, Добра Вода, Виталиа, Зегин и Антена 5.