Денс Студио Мак од Куманово на Денс Фест во Нови Сад - Од 7 кореографии, 2 освоија прво место

Детали

петок, 23 ноември 2018

Денс Студио МАК од Куманово беше дел од меѓународен фестивал „Денс Фест“ кој се одржа овој викенд  во Нови Сад.

Фестивалот славеше јубилеј од 10 години, а учествуваа 35 земји учесници кои се претставија со околу 700 кореографии.

Денс Студиото Мак од Куманово оваа година освои две први места , едното во формација деца и другото група јуниори во голема конкуренција.

За ова искуство, од студиото велат:

„Настапивме со 7 кореографии од кои 2 зедоа награда. Задоволни сме од успехот и горди сме  на нашите деца, бидејќи оваа за нив беше едно ново искуство, за некои од нив и прв настап на сцена.“

Кореографиите за фестивалот беа на Игор Шкомац, Мерлин Стојановска и Ангела Костадиновска.