И македонските музичари на тераса – Дарко Дамевски со изведба на Speak Softly на хармоника (видео)

Детали

понеделник, 23 март 2020

Во овие тешки времиња Италијанците ни дадоа добар пример кој изгледа почнавме да го следиме – Дарко Дамевски со изведба на песната од The Godfather на тераса, испраќа порака до сите.

Италијанците докажaа дека се народ со срце и душа, а секојдневно се излезени на терасите, и покрај тоа што аплаудираат за медицинскиот персонал, си прават „маалски веселби“ со музика и песна од дома.

Музичари излегуваат на терасите и свират на инструменти забавувајќи ги соседите додека се во домашен карантин, а во овој период, тоа може да биде добра идеја и за кај нас.

На луѓето им е потребно опуштање, а во време на полициски час, зошто да не се препуштиме на музика?

На својот Инстаграм профил, Дарко Дамевски објави видео во кое на хармоника од тераса ја изведува нумерата од The Godfather, Speak Softly и на италијански напиша: „Поздрав пријатели! Останете силни! Македонија-Италија“.

Погледнете како изгледа изведбата:

М. М. | Црнобело