„За да го прославам мојот роденден со баба и дедо“ - пораки од најмалите зошто да останете дома (фото)

Детали

вторник, 24 март 2020

Деновиве на социјалните мрежи се шири фотографија од 17 мали дечиња кои шират порака да се остане дома за време на корона вирусот како би се заштитиле сите.

Сите тие се прекрасни, мили души кои имаат да ви кажат зошто сакаат оваа ситуација да заврши побрзо.

Благодарност до нашите мали дечиња (по редослед):

Теодор, Сара, Александра, Андреј, Момир, Андреј, Елизабет, Тиана, Леонид, Алексеј, Викториа, Константина, Матеа, Филип, Миодраг, Бисера, Ведран, Дариан.

Остануваме дома затоа што:

Затоа што сум дете со половина срце и секој вирус за мене може да биде смртоносен, посебно ако ги зафати белите дробови. Колку и да мислиме дека Ковид-19 е само обичен вирус и дека лесно ќе се справиме ако сме заразени, за некои возрасни и деца би бил фатален. Барам во овие моменти да мислите на децата како мојот син. Да не бидеме себични, да седиме дома и да ги заштитиме најранливите. Од срце ве замолува една исплашена мајка за своето дете, но и за сите загрозени дечиња и возрасни.

Знаете што најмногу сака мојот син? Не сака мобилни, не сака телевизори, не сака лаптопи, не сака 4 ѕида. Најмногу сака природа, да си игра со кучето и со мачките. Кога го зедовме дома, на два месеци, со 1.700грама, јасно ни кажаа нема градинка, нема игротека. Треба да создадеме имунитет. Затоа ве замолувам, заради вас самите, заради сите деца, внимавајте на препораките, немојте да бидете сигурни дека нема да се заразите бидејќи на секој може да му се случи.

Затоа што сакаме што побрзо да се вратиме на секојдневната рутина и да бидеме слободни денот да го минеме во авантура.

Затоа што сакам што поскоро да продолжам со моите неопходни третмани.

Затоа што сакаме повторно да го минеме саботното попладне кај баба и дедо.

Затоа што сакаме што поскоро да си играме со нашите најдобри другарчиња, комшичиња.

Затоа што сакам повторно да го поминувам слободното време во мојата омилена игротека, во природа.

Затоа што сакам повторно да одам на гости кај моите прабаба и прадедо.

За мама да остане здрава и понатаму да се грижи за мене, дада и бато.

За да можам повторно да продолжам со моите логопедски третмани.

За да се вратам на училиште.

За да можам повторно безгрижно да се дружам со братучедите и другарчињата на игралиште.

Затоа што сакам да го прославам мојот прв роденден со моите блиски, со баба и дедо кои веќе 3 недели ги немам видено.

За да можам што поскоро да се вратам на училишните клупи со другарчињата и на мојата љубов балетот.

 Затоа што сум предвремено родено дете со две операции до сега. За мене градинката и игротеката се непознати. Природата е таа која ми помага да станам отпорен и посилен, да создадам имунитет. 

Ние сме промената која му треба на светот. Остануваме дома за нас, за вас, за подобро утре!

 Текстот ни го испрати Даниела Хок