Отворена е зоолошката во Скопје – како изгледа живеалиштето на фламингата? (фото)

Детали

вторник, 26 мај 2020

Од денес (26.05.2020), вратите на ЗОО Скопје се повторно отворени – посетителите ќе можат да уживаат во друштво на животните, а наскоро ќе биде отворено и живеалиштето на фламингата.

Пролетните денови не може да се замислат без прошетка низ Зоолошката градина во Скопје, а иако и досега персоналот нè водеши на виртуелни прошетки, сепак од денес истата е повторно отворена за посетители по долгата пауза заради корона вирусот.

Секако, ќе има посебен безбедносен режим за заштита на вработените и посетителите, но и на животните:

☑️ Носење маска/марама при влез во Зоо Скопје
☑️ Чекаме ред на дистанца од 1,5 м уредно обележано.
☑️ Строго е забрането хранење и доближување до животните
☑️ Отпадоците да се фрлаат во корпите
☑️ Не смее да се употребуваат летниковците и детските игралишта
☑️ Низ зоолошката градина, држете дистанца од другите посетители
☑️Бројот на посетители ќе биде ограничен, за да во одреден момент не се создава поголема гужва низ градината.

Она што сите со нетрпение го очекуваме е да биде отворено и едно од најубавите живеалишта на фламинга во Европа.

Имаме 15 карипски фламинга, помали од една година кои пристигнаа од Чешка, а силно розовата боја ќе ја добијат допрва, бидејќи се бебиња. За нив се изработи едно од најубавите живеалишта во Европа.

Би требало отворањето да се случи следна недела. Моментално фламингата се во внатрешниот дел и се хранат со специјална храна - ракчиња преку која го добиваат розовиот пигмент. Храната ја набавуваме од Германија, затоа што ако не се хранат со ваков тип на исхрана, фламингата стануваат сиви. – вели Тина Мицковска, портпарол на ЗОО Скопје.

Како изгледа живеалиштето на фламингата кое наскоро ќе биде отворено:

М. М. | Црнобело