Јунак на денот – Онур го победи ракот и заѕвони на ѕвончето на Детска клиника

Детали

среда, 10 јуни 2020

Кога некој ќе ја победи битката со ракот ни се полни душата, посебно кога ќе видиме детско лице кое со радост ѕвони на ѕвончето кога ја напушта Клиниката за детски болести.

Овојпат Министерот Венко Филипче сподели видео од малиот Онур, кој ја добил битката со ракот и со насмевка ѕвони на ѕвончето пред напуштање на клиниката.

Во објавата напиша: 

Деновиве, нашиот јунак Онур го испративме дома од хемато-онколошкото одделение од Клиниката за детски болести. Онур уживај во детството, биди среќен и продолжи да се смееш! Го славиме животот со сите деца кои го победиле ракот, тоа се нашите јунаци, непобедливи. Оваа недела е посветена на сите кои победиле карциномот.

Оваа недела е посветена на сите кои го победиле карциномот и на сите им посакуваме среќен живот исполнет со многу здравје и убави моменти.

Посакуваме што почесто да гледаме вакви позитивни вести.

Потсетете се и на Мила ја победи болеста - по хемотерапијата заѕвони на ѕвончето во Детската клиника во Скопје

М. М. | Црнобело