Позитива на денот: Доктор Мирослав донираше крвна плазма за пациентот од Ресен

Детали

вторник, 23 јуни 2020

Деновиве на социјалните мрежи вирално се рашири објава со апел за донација на конвалесцентна плазма за 40-годишен пациент од Ресен, хоспитализиран заради ковид-19, а денес имаме позитивна вест.

Голем број граѓани ја споделија објавата со молба да се најде некој кој оздравел од ковид-19, да донира крвна плазма, а очигледно апелот стигна на вистинското место.

Доктор Мирослав Бошковски е човекот со големо срце кој денес донираше крвна плазма за да го спаси животот на пациентот кој е хоспитализиран во 8-ми Септември.

„Кога видов дека се бара моја крвна група, Б позитив, веднаш телефонски контактирав со Институт за трансузиона медицина. Во рок од 24 часа ги направивме сите тестови, анализи, вклучително и оние со кои се гледа дали имам доволно протеини, хемоглобин и количество на антитела.

Се надевам искрено дека ќе помогнам. Откако донирав плазма, се чувствував исполнето и среќно, имав чувство дека сум направил добро дело. Тоа, нема цена, сознанието дека си помогнал за да спасиш нечиј живот.

И покрај тоа што тоа ни е секојдневна обврска на нас лекарите, сепак чувството овој пат беше посебно“, вели д-р Бошковски од Куманово, 35-годишен матичен лекар и специјализант по интерна медицина.

Со ова испраќаме и порака до сите оние кои се излечиле од корона вирусот, да се охрабрат и да помогнат да се спаси нечиј живот. 

Крвна плазма може да даруваат пациенти кои се озлечени од корона вирусот, но мора да исполнуваат и одредени услови. 

ТУКА може да се информирате повеќе во врска со донирањето крвна плазма.

Министерот Венко Филипче ја објави веста за доктор Мирослав и упати апел до сите излекувани од корона вирусот. 

https://www.facebook.com/filipce.venko/photos/a.1819648248342200/2420805411559811/?type=3&theater