Жална е оваа еколошка катастрофа – Зошто побеле реката Брегалница?

Детали

среда, 24 јуни 2020

Вчера на социјалните мрежи почнаа да се објавуваат фотографии на кои јасно се гледа дека реката Брегалница е загадена со некоја бела материја.

Фото: Facebook

Според штипјани, од реката се ширела и неподнослива миризба, а корисниците на социјалните мрежи апелираа дека овој пропуст не смее да помине неказнет.

Набрзо се огласи и градоначалникот на Штип, Благој Бочварски, изјавувајќи дека фотографиите од коритото се крајно вознемирувачки. Тој соопшти и дека веќе се работи на случајот – се земале мостри од водата и се бараат сторителите.

Со помош на риболовното друштво и неколку загрижени граѓани го пронашле изворот на загадувањето, а вели дека секој ќе сноси одговорност за своите постапки.

Револтот на граѓаните е огромен, но и оправдан. Наместо да се грижиме за нашата околина, ние сами ја уништуваме и си создаваме проблеми.

Можеби последиците од оваа еколошка хаварија ќе нè научат да бидеме барем малку посвесни за нашите постапки.

Тажна глетка која деновиве е забележана од реката Брегалница:

 Спирова С. | Црнобело