Гладијаторите се враќаат во Стоби: Промотивен викенд на локалитетот

Детали

петок, 18 септември 2020

Од утре, 19 септември, првата апликација за виртуелно искуство која овозможува патување во минатото и доживување на гладијаторски преформанс од 2 в.н.е во грандиозниот театар на Стоби е достапна за поситителите на Археолошкиот локалитет Стоби.

Новата туристичка понуда користи технологија за виртуелна реалност во промоција на богатото културно наследство на Стоби. Продуцираната VR апликација ги води посетителите на интерактивно патување низ времето и просторот, претставувајќи им го римскиот театар во својот полн капацитет, жителите на стоби, опремата на гладијаторите, како и самите гладијаторски борби.

„Нашата организација веќе неколку години работи на развој на социјани иновации со користење на технологијата. Соработката на креативните и културните институции е неопходна за развој на инвоативни проекти кои ќе го доближат и промовираат богатото културно наследство на Македонија и ќе овозможат нови искуства на посетителите на културните иснтитуции. Соработката со Стоби е одличен пример за користење на новите технологии во содавање на нови дигитални алатки за доживување на културното наследство.“- велат од Центарот за социјални иновации Блинк 42-21.

Римскиот театар во Стоби е еден од најимпресивните објекти изградени во овој град, и е еден од четирите римски театри откриени во денешна Македонија. Репертоарот на театарот се состоел од гладијаторски борби, борби со диви животни, театарски претстави, мимички претстави, хорски изведби и други перформанси. Гледалиштето на театарот било со височина околу 20 метри, седиштата биле поставени во 34 реда со капацитетот од околу 7000 гледачи.

„Проектот "Откривање на римскиот град Стоби - Виртуелено искуство" го вброи археолошкиот локалитет Стоби на листата на современите историско-археолошки паркови низ Европа. Со оваа апликација, години и страници научно – истражувачка работа се преточени во креативна дигитална алатка за презентација на автентичната историска реалност пред публиката од сите возрасти.“ – изјави Спасе Перовски, директор на НУ Стоби.

Викендот, 19 и 20 септември, апликацијата промотивно ќе биде достапна на локалитетот и постетителите ќе имаат единствена можат бесплатно да го доживеат гледијаторското искуство. Посетите на Стоби ќе бидат организирани преку резервации, за кои јавноста може да се информира тука. Оваа услуга на локалитетот Стоби ќе биде достапна исклучиво со резервација на термин по цена од 180 ден.

Проектот "Откривање на римскиот град Стоби - Виртуелено искуство" е имплементира од Центарот за социјални иновации Блинк 42-21 од Скопје во партнерство со Националната Установа Стоби, со поддршка од Регионалниот Совет за Соработка (Regional Cooperation Council), а финансиран од Европската Унија.