Владата ги прифати предлозите: Јавен превоз со намален капацитет, локалите ќе работат до 23 часот

Детали

среда, 21 октомври 2020

Владата на 13-тата  седница (20.10.2020) прифати дел од предлозите на Комисијата и воведување мерки за заштита од корона вирусот, а оние порестрирктивните кои вклучуваат измени во закон, ќе бидат разговарани на Собраните.

фото: depositphotos.com

Станува збор за мерките кои се однесуваат на скратено работно време на угостителските објекти, намалување на капацитетот во јавниот превоз и препорака за промени во работниот процес во државната и јавната администрација, општините и судот.

Владата на Република Северна Македонија на вчерашната 13-та седница ги разгледа и прифати препораките на Комисијата за заразни болести да се ограничи работно време на сите угостителски објекти до 23 часот, освен оние што вршат испорака.

Владата прифати да се ограничи капацитетот на патници во возилата на јавниот превоз на 50% од вкупниот број на патници предвидени во едно возило.

Владата вчера ја прифати и препораката целата државна и јавна администрација, општините и судовите, согласно принципот на работа и работниот процес, организирањето на работата да се одвива во смени или онлајн од дома или, пак редуцирано со систем на ротации зависно од карактеристиките на работниот процес на институциите.

Сите одлуки од оваа седница може да ги прочитате ТУКА.