EESTEC Academy модул 2 - Енергија и одржлив развој

Детали

понеделник, 21 декември 2020

EESTEC Academy организиран од студентската организација EESTEC LC Skopje, е настан со неколкугодишна традиција, кој годинава поради пандемијата со Covid-19 ќе се одржи онлајн. Академијата претставува серија од кратки обуки на актуелни теми од техничката област.

Главна цел на настанот е да се овозможи на студентите, паралелно со нивните студии, да добијат дополнително знаење и вештини кои ќе им отворат нови перспективи во нивниот понатамошен професионален развој. Учеството на академијата е целосно бесплатно.

Првиот модул од EESTEC Acadmy успешно се одржа викендот на 28-ми и 29-ти ноември во соработка со Машински факултет Скопје (МФС). Повеќе од 50 учесници, имаа можност да научат повеќе за светски познатиот микроконтролер Ардуино преку предавања од професори од Машински факултет Скопје.

До крајот на годината во склоп на EESTEC Academy ќе се одржи уште еден модул.

Вториот модул на овогодинешното издание ќе ја опфати актуелната тема Енергија и одржлив развој. Модулот ќе се одржи во соработка со Факултетот за електротехника и информациски технологии (ФЕИТ), на 25ти и 26ти декември. Овој модул претставува одлична прилика за сите кои што сакаат да се подобрат себеси, да научат повеќе за оваа тема, преку предавања на искусни професори од ФЕИТ.

Формата за пријавување е отворена до 23ти декември и може да се најде на овој линк.

За повеќе информации можете да ја следите Facebook страната на EESTEC Academy.

Ги охрабруваме сите студенти и матуранти, заинтересирани за оваа област да се пријават и да го прошират своето знаење! Осмели се да научиш повеќе!