Сплотени во добро и зло: Македонец нуди куќа со покриени трошоци за оние кои останаа без дом по земјотресот во Хрватска

Детали

среда, 30 декември 2020

По разорниот земјотрес од 6.3 степени кој ја погоди Хрватска на 29 декември 2020, многумина останаа без кров над глава и бараат помош, а Македонец на Фејсбук понуди на користење до 6 месеци, куќа за 8 личности, со покриени патни трошоци до нашата земја.

фото: Twitter

Вчерашниот земјотер од 6.3 степени по Рихтер, со епицентар во околината на градот Петриња, остави големи последици низ неколку градови, се спасуваа повредени, а за жал беа изгубени и неколку животи. Материјалните штети низ градот оставија семејства без кров над глава, а утринава ги погодија уште неколку потреси од околу 4 степени, што дополнително ја влошува состојбата.

Croatia was hit by another powerful #earthquake, magnitude 6.2 on the Richter scale. All relevant services are on the ground.

Thank you all for your support & solidarity. We appreciate your kind words & warm wishes during these trying and challenging times. #Croatia #Petrinja pic.twitter.com/jFUuV6oymH

— Croatia in the EU (@CroatiaInEU) December 29, 2020

Во овие тешки моменти важно е да се покаже хуманоста и сплотеноста на народите, да си помогнеме во најтешките мигови и да се надеваме на подобри денови.

Izražavam sućut obiteljima stradalih u Petrinji i Glini u razornom potresu. Nadamo se da će broj žrtava biti što manji. Sve službe su na terenu i neumorno rade te pružaju pomoć svima kojima je potrebna. Zahvaljujem svima na požrtvovnosti i trudu! pic.twitter.com/r8poDh0JuI

— Andrej Plenković (@AndrejPlenkovic) December 29, 2020

Токму со таа цел, Денис Синед објави хуман пост во секцијата за помош по земјотресот во Хрватска на Фејсбук.

„Ја нудам својата куќа во Скопје, Македонија, за 8 особи до 6 месеци (предност имаат луѓе со мали деца). Исто така подготвен сум да платам и патни трошоци. Кога јас бев во тешка ситуација, една личност од Хрватска ми помогна до максимум, тоа не можам да го заборавам до гроб... Бог нека биде со вас браќа и сестри мои, нека ме контактираат во порака заинтересираните. Ве мислиме, поздрав од Македонија.“

Откако доби низа пофални коментари и зборови за почит, Денис во коментар ја објасни приказната која го натера на овој хуман чин:

„Пред 10 години, мојот татко се разболе од карцином на белите дробови. Не бевме сјајни финансиски и случајно запознав доктор од Хрватска, кој му пружи помош на татко ми до максимум, без никакви надоместоци. Ете, после 10 години, време е да се оддолжам на хрватскиот народ. Слободно е уште за двајца луѓе.“

 

М. М. | Црнобело