Билјана Јаневска ќе нѐ претстави на Мис Туризам: „Да се одржуваше во живо ќе видеа што е македонско девојче“
- Детали
- среда, 30 декември 2020
Од мала се интересира за манекенството, во овие води е впуштена од 13 години, а смета дека денес секоја втора девојка сама се прогласува за манекенка – која е прекрасната девојка која ќе нѐ претставува на Интернационалниот избор за Мис Туризам 2020/21?
Интернационалниот избор за Мис Туризам 2020/21 ќе се одржи на 17-ти јануари 2021, во организација на Малезија, но заради пандемијата ќе се одржи онлајн.
Македонската претставничка на овој избор е Билјана Јаневска, која ќе се натпреварува во конкуренција на уште 30 убавици од светот. Билјана е 21-ва по ред од 31 учесничка.
„Можеби сме спречени да патуваме, но не сме спречени и виртуелно да ја освоиме титулата. Не е лесно да се претставува својата земја. Жал ми е што настанот не се одржува во живо, туку онлајн, па не можам целосно да си ги покажам способностите, да видат што е македонско девојче. Но, се надевам нема да ве разочарам. Долго време го чекам овој миг и ќе го искористам во вистинска смисла на зборот. Се надевам дека ќе ја направам горда својата нација. Стискајте палци и бидете со мене.“ – изјави Билјана за CRNOBELO.com
Инаку, за Билјана ова е прв избор од ваков тип на кој учествува, и ѝ претставува особена чест и задоволство што ја има таа можност, да ја претставува својата татковина.
Како мала, Јаневска посетувала часови за вилина, но не се пронашла многу во тоа. Потоа се приклучила на Златно Славејче, и поголем дел од детството поминала таму, а со оглед на тоа што од мала најголема желба ѝ било да стане манекенка, во манекенските води се впуштила на 13-годишна возраст.
Според неа, во Македонија оваа професија не е доволно ценета, а дополнително е тешко тоа што секоја втора девојка сама се прогласува за манекенка, без зад неа да стои сериозна агенција која ќе бира внимателно ангажмани.
Нејзиното учество на Интернационалниот избор за Мис Туризам 2020/21 се должи благодарение на Олег Дементиенко и Пантер Моделс, кои направија видеа и фотографии од неа, кои беа испратени во Малезија, со цел таа да се претстави на Изборот.
Повеќе фотки од нашата претставничка, на која ѝ посакуваме среќа во јануари:
М. М. | Црнобело
Би можело да ве интересира:
Препорачуваме
Најчитани неделава
