Најпопуларниот македонски камионџија со хит танцувачко видео со девојката во Истанбул
- Детали
- вторник, 05 јануари 2021
Камионџијата од Македонија, познат како Дарко Влогс, кој стана хит на Инстаграм, ужива на романтичен одмор во Истанбул и со девојката сними видео кое не може, а да не ве расположи и насмее.
Дарко Јефремов (Дарко Влогс) е роден во Ниш, растен во Скопје, школуван во Битола, а сега работи во САД како камионџија. На јавноста ѝ стана познат по шеговитите видеа што ги прикачува на неговиот Инстаграм профил, кои ги снима за време на патувањата. Има повеќе од 107.000 следбеници.
Уникатен и свој со одлична смисла за хумор, но и со хумано срце, тој е вистинско освежување на социјалните мрежи.
Во неговото позитивно „лудило“ го поддржува и неговата девојка Даниела.
Периодов тој од САД одлета директно во Истанбул, каде се најдоа со Даниела и уживаат во романтичен одмор. Од соба со џакузи и тестирање на вкусови од тезгите со улична храна, до бакнежи преку маски со шеговити принтови со Мини и Мики и шетање низ аквариум во исти блузони, тие очигледно одлично се забавуваат, се разбира, секогаш со ведрина и доза на хумор.
Нивните фотки се вистинско освежување на Инстаграм, но нивното танцувачко новогодишно видео дефинитивно е хит.
Облечени во новогодишни џемпери со светки и со впечатливи зелени чорапи, тие танцуваат на „Jerusalema“, танцувачки предизвик со кој се зарази светот.
Погледнете го хит видеото:
Фотки од нивното патување во Истанбул:
Погледнете и Видео интервју со Дарко Јефремов: Како е да се биде... камионџија
С. С. | Црнобело
Би можело да ве интересира:
Препорачуваме
Најчитани неделава
