Станар во зграда во Скопје закачил честитка во лифтот – реакцијата на соседите непроценлива

Детали

среда, 13 јануари 2021

„Нов сум во мојата зграда. Откако ја закачив мојата рачно изработена честитка за Нова година во лифтот, почна еден многу позитивен тренд. Наместо шкртаници, во лифтот секој ден се појавуваат нови честитки“, вели Горјан Јовановски.

Горјан Јовановски, човекот кој стои зад успешната апликација МојВоздух, со интересен потег докажа дека позитивната енергија е заразна.

Во зградата во Скопје во која живее од неодамна одлучил да закачи честитка во лифтот и да види како ќе реагираат соседите. Ефектот бил и повеќе од позитивен.

Приказна што дефинитивно мами насмевка:

Позитивната енергија е заразна

Нов сум во мојата зграда. Откако ја закачив мојата рачно изработена честитка за Нова година во лифтот, почна еден многу позитивен тренд. Наместо шкртаници, во лифтот секој ден се појавуваат нови честитки, една по една, рачно нацртани од станари и посетители. Пред некој ден беа 3, сега се 7!

Секое утро едвај чекам да влезам во лифтот за да видам што ново ме чека! Но тука не застана празничната атмосфера: Моите прекрасни комшии закачува бадникови гранчиња на вратите низ влезот, а низ Вибер групата за зградата се ширеа празнични честитки.

Доволно е мал убав гест за да ја разбудите добрината што ја има во сите нас. Бидете тој позитивен пример од вашето најмало опкружување, само така ќе стигнеме до општеството што го посакуваме! Како што вика Марко Новески #ширимепозитива! Што е тоа што ти ќе направиш денес?

С. С. | Црнобело