Онлајн платформата Разговор.мк нуди бесплатно советување и психолошка поддршка за жртвите од „Јавна Соба“
- Детали
- четврток, 28 јануари 2021
Онлајн платформата за анонимно советување, Разговор.мк, која има мрежа од 30 лиценцирани психолози, им нуди бесплатно советување на жртвите на групата „Јавна Соба“ на Телеграм.
фото: depositphotos
Откако 28-годишната Ана од Кавадарци го сподели нејзиното вознемирувачко искуство со групата „Јавна Соба“ на Телеграм, јавноста се крена на нозе барајќи правда за сите девојки и жени кои биле жртви на истата.
Покрај поддршката на социјалните медиуми, сега и психолозите се обидуваат да помогнат, нудејќи им советување на жените и девојките.
Покрај психологот Ана Попризова која изјави дека средношколките жртви на „Јавна Соба“ можат да се обратат кај неа за помош, и психолозите од платформата Разговор.мк ја понудија нивната поддршка.
Разговор.мк е онлајн платформа за анонимно советување со лиценцирани психолози. Основачот на платформата, Георги Михаилов, сподели дека 30-те лиценцирани психолози кои се дел од платформата нудат бесплатно советување и психолошка поддршка на сите девојки чија доверба била злоупотребена од членовите на групата.
Од платформата ги споделија вестите и на нивниот официјален Инстаграм профил:
„Доста е! Злоупотребата на довербата е насилство!
Разговор.мк ќе обезбеди бесплатни сесии со нашите лиценцирани психолози за сите жртви на скандалозната група „Јавна Соба“. Ве молиме контактирајте нè во приватна порака“, пишува во описот на објавата.
Важно е жените и девојките, чии чувства и достоинство беа повредени од страна на членовите на групата, да знаат дека не се сами, ја имаат поддршката од јавноста и не треба да се срамат што биле жртва на ваков ужасен скандал.
Би можело да ве интересира:
Препорачуваме
Најчитани неделава
