Позитива на денот: Совесни граѓани спасиле пајче и го однеле во Скопје ЗОО (фото)

Детали

четврток, 29 април 2021

Пајче пронајдено во урбана средина кај нас и спасено од совесни граѓани е вистинска копија на култното пајче од Перфекс рекламите.

За жал, често се случува да чуеме како несовесни граѓани се однесуваат лошо кон животните без разлика дали тоа е во Скопје ЗОО или надвор од неа.

Но, од друга страна пак има и такви луѓе во Македонија кои срцето ни го полнат со топлина поради совесното однесување.

Од Скопје ЗОО вчера објавија фотографија од преслатко пајче и напишаа:

„Пред спиење малку убави работи... Денеска совесни посетители ни донесоа патче кое го спасиле вчера, откако го нашле само на паркинг во урбана средина.
Нека се множат добри луѓе.“

https://www.facebook.com/ZooSkopje/photos/a.1031681913649071/1903667433117177/

Потоа и Тина Мицковска, портпаролот на Скопје ЗОО, објави фотографија со пајчето и го спореди со пајчето кое го има на слика на Перфекс производите.

Тина за CRNOBELO.com открива повеќе детали за настанот: „Пајчето го спаси една прекрасна жена. Дечиња си играле со него и го оставиле во близина на паркинг. Нашата посетителка веднаш се сетила на нас и откако преноќи кај неа, вчера го донесе во Скопје ЗОО. Моментално е сместено со други мали пајчиња и кога ќе потпораснат ќе бидат пуштени да пливаат слободно во езерце.“

Изгледа како негова копија, зарем не?

С. С. | Црнобело