Третата трансплантација успешно завршена – новото срце почна да чука во градите на 39-годишна пациентка

Детали

недела, 30 мај 2021

Третата трансплантација на срце во историјата на нашата земја успешно заврши – по 5-часовна операција, срцето зачука во градите на 39-годишна пациентка.

Министерот Венко Филипче објави дека третата трансплантација завршила по 5 часа, но дека следните 48 часа се критични за 39-годишната пациентка која го доби срцето.

На својот Фејсбук профил тој објави фотографија и напиша: 

Почна да чука новото срце  во градите на 39 годишната жена на која утрово и беше извршена трансплантација. Тешката операција траеше 5 часа, а следните 48 часа се критични. На пациентката и посакувам побрзо опоравување.

На семејството на починатиот донор – поклон до земја за хуманиот чин, а на пациентката ѝ посакуваме брзо опоравување и добро здравје со новото срце!

M. M. | Црнобело