Каролина пее негова песна, Весна Петрушевска со емотивна објава - Естрадата се сеќава на Тоше, 14 години по смртта

Детали

сабота, 16 октомври 2021

Весна Петрушевска објави момент од емисијата каде Тоше пее со Бени Шаќири, Каролина ја пее неговата песна „Илузија“, Пере од Нокаут ја посети спомен-куќата во Крушево, Џамбазов, Елена Ристеска, Тони Цетински и другите ѕвезди објавија емотивни зборови во сеќавање на 14-годишнината од смртта на македонската, музичка легенда.

Поминаа 14 години откако престана да чука срцето на момчето со ангелски глас, што ја освои Македонија, Балканот, а тргна на добар пат да го освои и светот.

Тоше Проески беше македонската музичка гордост, човекот кој освен со својот талент, зрачеше со добрина, љубов, хуманост и човечност.

За жал, на само 26 години, на тој кобен 16-ти октомври, во раните утрински часови, тој загина во трагичната сообраќајна несреќа кај Нова Градишка. 

Зад себе остави богато музичко наследство и огромна празнина која и по 14 години сите ја чувствуваат.

Неговите колеги од македонската и балканската естрада секој 16-ти октомври се присеќаат на Тоше, упатуваат емотивни зборови и незаборавни спомени.

Објавите на естрадните личности за човекот кој никогаш нема да биде заборавен:

Каролина Гочева

Елена Ристеска

Калиопи

Весна Петрушевска - Бејби

„14 години без тебе и пак врне...

Оваа песна ми е особено драга од милион наши причини ...па како се договаравте да ја отпеете, многу сакав заедно нешто да направите....има толку приказни за секоја наша средба...детали, насмевки, тајни, горчини ..си ги чувам за себе така е најарно. Те сакам до небото и назад.“

Игор Џамбазов

„Ти почина без да умреш, а ние умревме без да починеме...“

Тони Цетински

„И денес 14 години подоцна, тешко ми е да зборувам за Тоше, како и првиот ден кога тоа се случи.

Од неговото заминување веќе ништо не е исто, а секој ден, месец и година уште повеќе недостасува, не само на мене, туку и на сите нас кои имавме привилегија да го познаваме, да се дружиме, да работиме, да се веселиме и да тагуваме.

Искрено верувам дека со ова отиде на подобар свет, но благодарение на неговите дела и човечки вредности и скромност, останува засекогаш доказ и еден од оние кои ја враќаат вербата во човештвото и Бог. Го сакаме засекогаш, а сето она она што заедно го планиравме знам дека ќе го надоместиме кога ќе се сретнеме горе.“

Пере од Нокаут

 М. М. | Црнобело